ໜ້າທີ່ ຂອງ ພະແນກ ວາງແຜນອ່າງແມ່ນ້ຳຂອງ
- ປະຕິບັດນະໂຍບາຍ, ຍຸດທະສາດ, ກົດໝາຍ ແລະ ນິຕິກຳລຸ່ມກົດໝາຍຂອງລັດຖະບານ, ກະຊວງ ແລະ ກອງວາງອອກ ໃຫ້ໄດ້ຮັບຜົນດີ;
- ຫັນເອົາແຜນການ, ແຜນງານ ແລະ ໂຄງການຂອງກອງ ມາເປັນໜ້າວຽກລະອຽດຂອງພະແນກຕົນ ພ້ອມທັງຈັດຕັ້ງປະຕິບັດ ໃຫ້ມີປະສິດທິຜົນສູງ;
- ປະສານງານ ແລະ ຊຸກຍູ້ສົ່ງເສີມຂະແໜງການທີ່ກ່ຽວຂ້ອງ ໃນການສ້າງ, ຜັນຂະຫຍາຍການຈັດຕັ້ງປະຕິບັດແຜນປະຕິບັດງານແຫ່ງຊາດ ເພື່ອພັດທະນາອ່າງແມ່ນໍ້າຂອງ;
- ຄົ້ນຄ້ວາ, ວິເຄາະ ແລະ ປະກອບຄຳເຫັນຕໍ່ກັບແຜນຍຸດທະສາດ, ແຜນດຳເນີນງານ, ໂຄງການ ແລະ ຄູ່ມື ທີ່ກ່ຽວຂ້ອງກັບການພັດທະນາອ່າງແມ່ນ້ຳຂອງ;
- ຄົ້ນຄ້ວາ ແລະ ນໍາສະເໜີປະທານຄະນະກຳມະການແມ່ນ້ຳຂອງແຫ່ງຊາດ ພິຈາລະນາອະນຸມັດແຕ່ງຕັ້ງພະນັກ ງານ ໄປປະຕິບັດໜ້າທີ່ຢູ່ກອງເລຂາຄະນະກຳມາທິການແມ່ນໍ້າຂອງສາກົນ ແລະ ຮຽກກັບຄືນ;
- ຂຶ້ນບັນຊີ, ຕິດຕາມ, ປົກປ້ອງ ແລະ ຄຸ້ມຄອງພະນັກງານ, ຊ່ຽວຊານ ທີ່ປະຕິບັດໜ້າທີ່ຢູ່ກອງເລຂາຄະນະກຳ ມະການແມ່ນ້ຳຂອງແຫ່ງຊາດ ແລະ ກອງເລຂາຄະນະກຳມາທິການແມ່ນໍ້າຂອງສາກົນ ພ້ອມທັງສະຫຼຸບ, ລາຍງານໃຫ້ຂັ້ນເທິງຊາບ ຢ່າງເປັນປົກກະຕິ;
- ປະສານງານ ແລະ ຊຸກຍູ້ສົ່ງເສີມຂະແໜງການທີ່ກ່ຽວຂ້ອງ ໃນການຄົ້ນຄ້ວາ ແລະ ນຳສະເໜີພະນັກງານ ເຂົ້າຮ່ວມກອງປະຊຸມ, ສຳມະນາ, ຝຶກອົບຮົມ ແລະ ທັດສະນະສຶກສາຢູ່ພາຍໃນ ແລະ ຕ່າງປະເທດ;
- ປະສານງານ ແລະ ຊຸກຍູ້ສົ່ງເສີມຂະແໜງການທີ່ກ່ຽວຂ້ອງ ໃນການປະຕິບັດພັນທະຂອງລັດຖະບານ ຕໍ່ຄະ ນະກຳມາທິການແມ່ນໍ້າຂອງສາກົນ ພາຍໃຕ້ສັນຍາແມ່ນ້ຳຂອງ ປີ 1995;
- ຄຸ້ມຄອງບັນດາເຄື່ອງຄອມພິວເຕີ, ລະບົບອິນເຕິເນັດ, ອິນທຣາເນັດ ແລະ ການພັດທະນາເວັບໄຊຂອງກອງ ລວມທັງວຽກງານຂ່າວສານຕ່າງໆ;
- ຮັບຜິດຊອບວຽກຂາເຂົ້າ-ຂາອອກ ເປັນຕົ້ນແມ່ນຄຸ້ມຄອງ, ສຳເນົາເອກະສານ ແລະ ຮັກສາຄວາມລັບ, ອໍານວຍຄວາມສະດວກ ໃຫ້ບັນດາພະແນກອ້ອມຂ້າງກອງ ກ່ຽວກັບການແຈກຢາຍເອກະສານຂາເຂົ້າ-ຂາອອກ ລວມທັງຄຸ້ມຄອງຕາປະທັບຂອງຄະນະກຳມະການແມ່ນ້ຳຂອງແຫ່ງຊາດ ແລະ ກອງເລຂາຄະນະກຳມະການແມ່ນ້ຳຂອງແຫ່ງຊາດ;
- ຄຸ້ມຄອງວຽກບໍລິຫານ, ຕິດຕໍ່ພົວພັນພາຍໃນ-ພາຍນອກ, ວຽກງານພິທີການ, ອະນາໄມ, ວຽກງານປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ;
- ຄົ້ນຄ້ວາ ແລະ ສ້າງລະບຽບພາຍໃນຂອງກອງ ແລ້ວລາຍງານຂັ້ນເທິງພິຈາລະນາ;
- ປະສານງານ ແລະ ຊຸກຍູ້ສົ່ງເສີມຂະແໜງການທີ່ກ່ຽວຂ້ອງ ເພື່ອຄົ້ນຄ້ວາ, ຕິດຕາມ, ກວດກາ, ປະເມີນຜົນ, ສະຫຼຸບສັງລວມ ແລະ ລາຍງານກ່ຽວກັບການຈັດຕັ້ງປະຕິບັດຍຸດທະສາດພັດທະນາອ່າງ, ແຜນຍຸດທະສາດ, ແຜນວຽກປະຈໍາປີ ແລະ ວຽກງານວາງແຜນອ່າງແມ່ນ້ຳຂອງ ຂອງຄະນະກຳມາທິການແມ່ນໍ້າຂອງສາກົນ ແລະ ແຜນພັດທະນາເສດຖະກິດ-ສັງຄົມ ຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ;
- ປະສານງານ ແລະ ຊຸກຍູ້ສົ່ງເສີມຂະແໜງການທີ່ກ່ຽວຂ້ອງ ເພື່ອຄົ້ນຄ້ວາ, ຕິດຕາມ, ກວດກາ, ປະເມີນຜົນ, ສະຫຼຸບສັງລວມ ແລະ ລາຍງານກ່ຽວກັບການຈັດຕັ້ງປະຕິບັດຍຸດທະສາດ ແລະ ແຜນແມ່ບົດທີ່ຢູ່ພາຍໃຕ້ຍຸດ ທະສາດພັດທະນາໃນອ່າງແມ່ນ້ຳຂອງ;
- ສ້າງ, ຕິດຕາມ ແລະ ສະຫຼຸບຕີລາຄາ ການຈັດຕັ້ງປະຕິບັດແຜນການ, ແຜນງົບປະມານປະຈຳເດືອນ, 3 ເດືອນ, 6 ເດືອນ, ປະຈໍາປີ ແລະ 5 ປີ ເພື່ອຮັບໃຊ້ໃນການເຄື່ອນໄຫວວຽກງານຂອງກອງ ຢ່າງເປັນເຈົ້າການ ແລະ ຕາມວັນເວລາທີ່ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ກຳນົດໄວ້;
- ຄົ້ນຄວ້າ ແລະ ນຳສະເໜີຂັ້ນເທິງ ປັບປຸງກົງຈັກການຈັດຕັ້ງຂອງກອງຕົນ; ຄຸ້ມຄອງ, ກຳນົດຕໍາແໜ່ງງານ, ສ້າງແຜນການບຳລຸງ, ກໍ່ສ້າງ, ສັບຊ້ອນພະນັກງານ-ລັດຖະກອນ ລວມທັງການສົ່ງເສີມບົດບາດຍິງ-ຊາຍ, ການປະ ຕິບັດນະໂຍບາຍ ແລະ ວິໄນຕໍ່ພະນັກງານ-ລັດຖະກອນຂອງກອງ ຕາມລະບຽບທີ່ກຳນົດ;
- ຕິດຕາມການປະຕິບັດສິດ, ໜ້າທີ່ ແລະ ຄວາມຮັບຜິດຊອບຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມຄອງຂອງພະແນກຕົນ ເພື່ອສະກັດກັ້ນປະກົດການລະເມີດມະຕິ, ຄໍາສັ່ງ, ກົດໝາຍ ແລະ ລະບຽບການຕ່າງໆຂອງລັດ;
- ພົວພັນຮ່ວມມືທັງພາຍໃນ, ຕ່າງປະເທດ ແລະ ອົງການຈັດຕັ້ງສາກົນຕ່າງໆ ເພື່ອຂົນຂວາຍການສະໜັບສະ ໜູນທາງດ້ານເຕັກນິກ-ວິຊາການ ແລະ ທຶນຮອນເຂົ້າໃນວຽກງານຂອງກອງ ຕາມການມອບໝາຍ ແລະ ເຫັນດີຂອງຂັ້ນເທິງ;
- ຄົ້ນຄວ້າ, ປະກອບຄຳເຫັນຕໍ່ເອກະສານຕ່າງໆ ຂອງການຮ່ວມມືຄະນະກໍາມາທິການແມ່ນໍ້າຂອງສາກົນ, ການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ດ້ານຊັບພະຍາກອນນ້ຳ ລວມທັງເອກະສານຂອງບັນດາກົມ, ຫ້ອງການ ແລະ ສະຖາບັນ ພາຍໃນ ກຊສ ແລະ ຂະແໜງການທີ່ກ່ຽວຂ້ອງ, ພ້ອມທັງສະຫຼຸບລາຍງານເຂົ້າໃນການຈັດຕັ້ງປະຕິບັດແຜນຍຸດທະສາດ ແລະ ແຜນວຽກປະຈໍາປີ ຂອງກອງ ແລະ ກຊສ;
- ຄຸ້ມຄອງຊັບສິນ ແລະ ເອກະສານຂອງພະແນກຕົນ ພ້ອມທັງຂຶ້ນແຜນການ, ງົບປະມານ ແລະ ສະຫຼຸບລາຍ ງານການເຄື່ອນໄຫວວຽກງານຂອງພະແນກຕົນ ຕໍ່ຫົວໜ້າກອງ ເປັນແຕ່ລະໄລຍະ;
- ປະຕິບັດໜ້າທີ່ອື່ນໆ ຕາມທີ່ໄດ້ກຳນົດໄວ້ໃນກົດໝາຍ, ລະບຽບການ ແລະ ຕາມການມອບໝາຍຂອງຫົວໜ້າກອງ.
