Joom!Fish config error: Default language is inactive!
 
Please check configuration, try to use first active language

ຍິນດີຕ້ອນຮັບ ເຂົ້າສູ່ເວບໄຊ ຂອງ ກອງເລຂາ ຄະນະກໍາມະການ ແມ່ນໍ້າຂອງແຫ່ງຊາດ (ກຄມຊ)
ຍິນດີຕ້ອນຮັບ ເຂົ້າສູ່ເວບໄຊ ຂອງ ກອງເລຂາ ຄະນະກໍາມະການ ແມ່ນໍ້າຂອງແຫ່ງຊາດ (ກຄມຊ)
ສະຫຼອງ 20 ປີ ແຜນການຮ່ວມມືດ້ານເສດຖະກິດ ອະນຸພາກພື້ນແມ່ນ້ຳຂອງ PDF Print E-mail
Friday, 26 October 2012 11:06

ຮຽບຮຽງໂດຍ ສຸກສາຄອນ ສຸລິຍາ

ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີສະເຫຼີມສະຫຼອງຜົນສຳເລັດ ການຈັດຕັ້ງປະຕິບັດແຜນງານ ການຮ່ວມມືດ້ານເສດຖະກິດ ອະນຸພາກພື້ນແມ່ນ້ຳຂອງ (GMS) ຄົບຮອບ 20ປີ (21/10/1992-21/10/2012) ຂຶ້ນໃນວັນທີ 23 ຕຸລາ 2012 ທີ່ໂຮງແຮມ ລາວພລາຊາ ນະຄອນຫຼວງວຽງຈັນ ພາຍໃຕ້ການເປັນ ປະທານຮ່ວມ ຂອງທ່ານ ສີສະຫວັດ ວິທະໄຊ ລັດຖະມົນຕີຊ່ວຍວ່າການ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແລະ ທ່ານ ຈົງ ຈີນາຍ ຜູ້ຕາງໜ້າ ທະນາຄານ ພັດທະນາອາຊີ ADB ພ້ອມນີ້ ກໍມີບັນດາທ່ານທູດ, ທູຕານຸທູດ, ຜູ້ຕາງໜ້າຈາກສຳນັກງານ ອົງການ ແລະ ພາກສ່ວນກ່ຽວຂ້ອງ ເຂົ້າຮ່ວມເປັນຈໍານວນ 120 ທ່ານ.

Last Updated on Wednesday, 26 December 2012 08:36
Read more...
 
ກອງປະຊຸມປຶກສາຫາລື ກ່ຽວກັບ ເຄື່ອງມືການປະເມີນໄຟຟ້າພະລັງງານນ້ຳຜົນແບບຍືນຍົງ (RSAT) PDF Print E-mail
Thursday, 25 October 2012 15:49

ກອງເລຂາ ຄະນະກຳມາທິການ ແມ່ນ້ຳຂອງແຫ່ງຊາດລາວ ໄດ້ຈັດກອງປະຊຸມປຶກສາຫາລື ກ່ຽວກັບ ເຄື່ອງມືການປະເມີນຜົນແບບຍືນຍົງ Rapid Basin Wide Hydropower Sustainable Assessment Tool  (RSAT) ໃນ​ລະຫວ່າງ ວັນ​ທີ 15-16 ຕຸລາ 2012, ຢູ່ທີ່ ຫ້ອງປະຊຸມ ສະຫະພັນແມ່ຍິ່ງ ແຂວງ ຄຳມວນ ໂດຍການຮ່ວມມືກັບ ແຜ​ນງານ ການລິເລີ່ມ ເຂື່ອນໄຟຟ້າ ພະລັງງານນ້ຳ ແບບຍືນຍົງ ຂອງ ຄະນະກໍາມາທິການ ແມ່ນໍ້າຂອງສາກົນ, ​​ພາຍໄຕ້ການ​ເປັນປະທານ ຂອງ​ທ່ານ ອາ​ລຸນ ​ໄຊ​ຍະ​ວົງ ຮອງ​ຫົວໜ້າ ກອງ​ເລຂາ​ ຄະນະ​ກຳມະການ ​ແມ່​ນ້ຳຂອງ​ແຫ່ງ​ຊາດ​ລາວ ກອງປະຊຸມໃນຄັ້ງນີ້ ​ມີ​ຜູ້​ເຂົ້າຮ່ວມທັງໜົດ 44 ທ່ານ ​ຈາກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງແຜນການ ແລະ ການລົງທຶນ, ກະຊວງ ການເງິນ, ກະຊວງ ກະສິກຳ ແລະ ປ່າໄມ້, ກະຊວງພະລັງງານ ແລະ ບໍ່ແຮ່, ກະຊວງສຶກສາທິການ ແລະ ກິລາ, ແລະ ບັນດາຊ່ຽວຊານ ຈາກ ຄະນະກໍາມາທິການ ແມ່ນໍ້າຂອງສາກົນ.

Last Updated on Wednesday, 26 December 2012 08:42
Read more...
 
ກອງປະຊຸມແຫ່ງຊາດ ຄັ້ງທີ 2 ກ່ຽວກັບ ໂຄງການລິເລີ່ມປັບຕົວເຂົ້າກັບ ການປ່ຽນແປງດິນຟ້າອາກາດ PDF Print E-mail
Tuesday, 11 September 2012 10:26

ຂຽນໂດຍ: ທ ສຸກສາຄອນ ສຸລິຍາ

ໃນ​ວັນ​ທີ 24 ສິງຫາ 2012, ກອງເລຂາ ຄະນະກໍາມະການ ແມ່ນໍ້າຂອງແຫ່ງຊາດລາວ ໄດ້ຈັດກອງປະຊຸມ ລາຍງານກ່ຽວກັບຜົນໄດ້ຮັບ ຂອງໂຄງການສາທິດ ທີ່ເມືອງຈຳພອນ, ແຂວງສະຫວັນນະເຂດ ໃນໄລຍະທໍາອິດ (2010-2011) ແລະ ເພື່ອໃຫ້ພາກສ່ວນທີ່ກ່ຽວຂ້ອງ, ແລະ ຂະແໜງການ ຕ່າງໆ ໄດ້ທໍາຄວາມເຂົ້າໃຈເບື້ອງຕົ້ນ ກ່ຽວກັບ ໂຄງການດັ່ງກ່າວ ແລະ ໄດ້ມີໂອກາດປຶກສາຫາລື ກ່ຽວກັບ ແຜນວຽກ ໄລຍະ ທີສອງ (2011-2015) ຂອງໂຄງການ ການລິເລີ່ມ ປັບຕົວເຂົ້າກັບ ການປ່ຽນແປງດິນຟ້າ ອາກາດ.

ກອງປະຊຸມດັ່ງກ່າວ ໄດ້ຈັດຂື້ນ ທີ່ໂຮງແຮມລ່ອງງື່ມ, ທ່າລາດ, ແຂວງວຽງຈັນ ພາຍໃຕ້ ການເປັນປະທ່ານ ຂອງ ທ່ານ ນາງ ມອນມະນີ ຍອຍບົວກ່ອງ, ຫົວໜ້າກອງເລຂາ ຄະນະກໍາມະການ ແມ່ນໍ້າຂອງແຫ່ງຊາດລາວ ກອງປະຊຸມໄດ້ດຳເນີນໄປເປັນເວລາ 1 ວັນເຕັມ ໂດຍມີຜູ້ເຂົ້າຮ່ວມທັງໝົດ 38 ທ່ານ ຊຶ່ງມາຈາກ ບັນດາພາກສ່ວນທີ່ກ່ຽວຂ້ອງເຊັ່ນ: ​ກອງເລຂາ ຄະນະກໍາມະການ ແມ່ນໍ້າຂອງ ແຫ່ງຊາດລາວ, ກອງເລຂາ ຄະນະກໍາມາທິການ ແມ່ນໍ້າຂອງສາກົນ, ກົມສົ່ງເສີມຄຸນນະພາບສິ່ງແວດລ້ອມ, ກົມອຸຕຸນິຍົມ ແລະ ອຸທົກກະ ສາດ, ກົມຊັບພະຍາ ກອນນ້ຳ,ສະຖາບັນຄົ້ນຄ້ວາ ຊັບພະຍາກອນ ທຳມະຊາດ ແລະ ສິ່ງແວດລ້ອມ, ກົມປູກຝັງ, ແລະ ກົມຊັບພະຍາກອນ ປ່າໄມ້.

ຈຸດປະສົງຂອງກອງປະຊຸມ ແມ່ນເພື່ອໃຫ້ພາກສ່ວນທີ່ກ່ຽວຂ້ອງ ແລະ ຂະແໜງການຕ່າງໆ ໄດ້ທຳຄວາມເຂົ້າໃຈເບື້ອງ ຕົ້ນ ກ່ຽວກັບ ຜົນໄດ້ຮັບຂອງໂຄງການສາທິດ ທີ່ເມືອງຈຳພອນ, ແຂວງສະຫວັນນະເຂດ ໃນໄລຍະທໍາອິດ (2010-2011) ໂດຍໂຄງການດັ່ງກ່າວນີ້ມີຈຸດປະ ສົງ ເພື່ອເຮັດໃຫ້ປະຊາຊົນໃນເຂດ ເມືອງຈຳພອນ ສາມາດປັບຕົວ ແລະ ຮັບມືກັບໄພທຳມະຊາດ ເປັນຕົ້ນແມ່ນ ການແກ້ໄຂບັນຫານ້ຳ ຖວມຜົນຜະລິດກະສິກຳ ແລະ ການແກ້ໄຂບັນຫາຂາດແຄນນ້ຳໃນລະດູແລ້ງ ກອງປະຊຸມດັ່ງກ່າວ ແມ່ນເຕັມໄປດ້ວຍບັນຍາກາດທີ່ຟົດຟື້ນ ບັນດາຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນ ແລະ ແລກປ່ຽນປະສົບການເຂົ້າໃນກອງປະຊຸມຢ່າງເປັນກັນເອງ.

ກອງປະຊຸມໃນຄັ້ງນີ້  ແມ່ນໄດ້ຮັບຜົນສຳເລັດເປັນຢ່າງດີ ໂດຍເຫັນໄດ້ ຈາກການສະເໜີຄຳຄິດເຫັນທີ່ເປັນປະໂຫຍດຈາກຫຼາຍທ່ານ ເຂົ້າໃນການປັບປຸງ ໂຄງການ ການລິເລີ່ມ ປັບຕົວເຂົ້າກັບ ການປ່ຽນແປງດິນຟ້າ ອາກາດ ໄລຍະທີສອງ(2011-2015) ໃຫ້ມີປະສິດທິຜົນ ເພີ່ມຂື້ນ ກ່າວໄປສູ່ການປະຕິບັດ ໂຄງການ ລິເລີ່ມ ປັບຕົວເຂົ້າກັບ ການປ່ຽນແປງດິນຟ້າ ອາກາດແບບຍືນຍົງ ໃນພາກກາງ, ພາກເໜືອ ແລະ ພາກໄຕ້ ກໍ່ຄືທົ່ວປະເທດ.

Last Updated on Tuesday, 11 September 2012 13:49
 
<< Start < Prev 31 32 33 34 Next > End >>

Page 33 of 34

Latest News

Popular