English (United Kingdom)Lao
ກອງປະຊຸມໃຫ່ຍ ສະມາຊິກ ຊາວໜຸ່ມ ປະຊາຊົນ ປະຕິວັດລາວ ຄັ້ງທີ I ຂອງ ໜວ່ຍຊາວໜຸ່ມ ກອງເລຂາ ຄມຊ PDF Print E-mail
Written by ແສນດາວອນ ສີບຸນເຮືອງ   
Thursday, 10 July 2014 15:36

 

ໃນຕອນບ່າຍ ຂອງ ວັນທີ 7 ກໍລະກົດ 2014 ໜ່ວຍຊາວໜຸ່ມ ກອງເລຂາ ຄະນະກຳມະການ  ແມ່ນໍ້າຂອງແຫ່ງຊາດລາວ (ກຄມຊ)  ໄດ້ຈັດກອງປະຊຸມໃຫ່ຍ ສາມາຊິກຊາວໜຸ່ ປະຊາຊົນ ປະຊາຊົນ ປະຕິວັດລາວ ຄັ້ງທີ່ I ຂື້ນທີ່ ຫ້ອງປະຊຸມ ກົມທີ່ດິນ ( ກຊສ ) ໂດຍການເປັນປະທານຮ່ວມ ໂດຍ ທ່ານ ນາງມອນມະນີ ຍອຍບົວກ່ອງ, ເລຂາ ໜ່ວຍພັກ ກຄມຊ, ທ່ານ ສົມອຸລາ ຍະພິຈິດ, ເລຂາ ບໍລິຫານງານ ສູນກາງ ຊາວໜຸ່ມປະຊາຊົນ ປະຕິວັດລາວ ກຊສ.

 

ກອງປະຊຸມໄດ້ດໍາເນີນໄປດ້ວຍ ບັນຍາກາດທີ່ຟົດຟື້ນ ແລະ ເຕັມໄປດ້ວຍເນື້ອໃນອັນເລິກເຊິ່ງ, ເລຂາ ໜ່ວຍຊາວໜຸ່ມ ກຄມຊ  ໄດ້ຂື້ນຜ່ານ ບົດລາຍງານການເມືອງ  ຕໍ່ກອງປະຊຸມ ແລະ ຫຼັງຈາກນັ້ນ ກໍ່ໄດ້ມີການປະກອບຄໍາເຫັນ ຕໍ່ບົດລາຍງານ ດັ່ງກ່າວ ພ້ອມທັງຮັບຮອງ ເອົາບົດລາຍງານ ການເມືອງດັ່ງກ່າວ.  ຫຼັງຈາກນັ້ນ, ຄະນະ ໜ່ວຍ ຊາວໜຸ່ມຊຸດເກົ່າ ກໍ່ໄດ້ກ່າວລາໜ້າທີ່.

 

ກອງປະຊຸມໃຫຍ່ ສະມາຊິກ ຊາວໜຸ່ມ ກຄມຊ ກໍ່ໄດ້ມີການປ່ອນບັດ ຄັດເລືອກເອົາຄະນະບໍລິຫານງານ ຊາວໜຸ່ມ ຂອງ ກຄມຊ ຊຸດໃໜ່ ໂດຍຜ່ານການປ່ອນບັດ ຄັດເລືອກ ຈາກສະມາຊິກ ຊາວໜຸ່ມ ກຄມຊ ທັງໜົດ ທີ່ເຂົ້າຮ່ວມ ກອງປະຊຸມ ຈໍານວນ 32 ສະຫາຍ. ໂດຍມີຜູ້ສະໝັກ ທັງໜົດ  8 ທ່ານ. ເລືອກເອົາ 5 ທ່ານ. ຜ່ານການລົງຄະແນນ ແລະ ຜ່ານການເຫັນດີ ຈາກ ຄະນະໜວ່ຍພັກ ກຄມຊ ສົມທົບກັບ ຄະນະບໍລິຫານງານຊາວໜຸ່ມ ປະຊາຊົນ  ປະຕິວັດລາວ  ກະຊວງ ຊັບພະຍາ ກອນທໍາມະຊາດ  ແລະ  ສິ່ງແວດລ້ອມ ໄດ້ຕົກລົງເຫັນດີ ເປັນເອກະພາບກັນ  ໂດຍໃຫ້ ສະຫາຍ  ເພັດສະໜອນ ຄ້ານໍເພັດ ເປັນເລຂາ ໜວ່ຍຊາວໜຸ່ມ ກອງເລຂາ ຄມຊ, ສະຫາຍ ມາລາບູ່ ໃບລາຕຣີ ເປັນ ຮອງເລຂາ ໜ່ວຍຊາວໜຸ່ມ ກອງເລຂາ ຄມຊ ທັງເປັນ ປະທານກວດກາ ອີກດ້ວຍ, ສະຫາຍຄໍາສອນ ພິລາວົງ, ສະຫາຍ ວຽງໄຊ ສໍພະຈັນ ແລະ ສະຫາຍ ນາງ ລັກດາວອນ ວະລາງກູນ ເປັນກໍາມະການໜ່ວຍຊາວໜຸ່ ກຄມຊ.

ກອງປະຊຸມ ໄດ້ຮັບຟັງການໂອລົມ ຈາກ ສະຫາຍ ເລຂາ ຄະນະບໍລິຫານງານຊາວໜຸ່ມ ກຊສ, ສະຫາຍ ໄດ້ເນັ້ນຢໍ້າໃຫ້ສະມາຊິກຊາວໜຸ່ມ ປະຊາຊົນ ປະຕິວັດລາວ ຂອງ ກອງເລຂາ ຄມຊ ໃຫ້ສືບຕໍ່ຫ້າວຫັນ ແລະ ຕັ້ງໜ້າສ້າງຜົນງານໃຫ້ພົ້ນເດັ່ນຂື້ນກວ່າເກົ່າ ໂດຍແນໃສ່ ຄໍາຂວັນ 4 ບຸກທະລຸກ ຂອງ ສູນກາງຊາວໜຸ່ມ ປະຊາຊົນ ປະຕິວັດລາວ ເພື່ອເຮັດໃຫ້ ສະມາຊິກຊາວໜຸ່ມທັງໜົດທົ່ວ ກອງເລຂາ  ຄມຊ ໃຫ້ມີ ຄຸນທາດ ການເມືອງ  ແລະ  ຄວາມຮູ້ສາມາດ. ນອກຈາກນີ້,  ໃນທີ່ປະຊຸມ ຍັງໄດ້ຮັບຟັງການໂອ້ລົມ ຈາກ ສະຫາຍ ນາງ ມອນມະນີ ຍອຍບົວກ່ອງ, ເລຂາໜ່ວຍພັກ ກອງເລຂາ ຄມຊ,  ສະຫາຍໄດ້ໃຫ້ທິດຊີ້ນໍາ ແລະ ຮຽກຮ້ອງໃຫ້ ບັນດາ ສະມາຊິກຊາວໜຸ່ມທັງໜົດ ຝຶກຝົນຫຼໍ່ຫຼອມຕົນເອງ ໃຫ້ກາຍເປັນຊາວໜຸ່ມທີ່ມີຄວາມຮູ້ ຄວາມສາມາດ ເພື່ອປະກອບສ່ວນ  ໃຫ້ແກ່ການພັດທະນາ ແລະ ສ້າງສາ ປະເທດຊາດ ໂດຍສະເພາະ ວຽກງານ ຄຸ້ມຄອງຊັບພະຍາກອນນໍ້າ ແບບປະສົມປະສານ ໃນອ່າງແມ່ນໍ້າຂອງ .  ສະຫາຍ ນາງ ມອນມະນີ ຍອຍບົວກ່ອງ ໄດ້ກ່າວ " ໜ່ວຍຊາວໜຸ່ມ ກອງເລຂາ ຄມຊ ປຽບເໜືອນແຂນຂວາ ຂອງ ໜວ່ຍພັກ ກອງເລຂາ ຄມຊ ແລະ ປຽບເໜືອນກະດູກສັນຫຼັງ ຂອງ ຄະນະກໍາມາທິການ ແມ່ນໍ້າຂອງແຫ່ງຊາດ"

Last Updated on Thursday, 24 July 2014 14:08