Joom!Fish config error: Default language is inactive!
 
Please check configuration, try to use first active language

ກອງປະຊຸມໃຫ່ຍ ຄັ້ງທີ I ຂອງ ໜ່ວຍສະຫະພັນແມ່ຍິງ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດລາວ
ກອງປະຊຸມໃຫ່ຍ ຄັ້ງທີ I ຂອງ ໜ່ວຍສະຫະພັນແມ່ຍິງ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດລາວ PDF Print E-mail
Written by ແສນດາວອນ ສີບຸນເຮືອງ   
Thursday, 24 July 2014 14:03

 

ກອງປະຊຸມໃຫ່ຍ ຄັ້ງທີ I ຂອງ ໜ່ວຍສະຫະພັນແມ່ຍິງ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດລາວ ໄດ້ໄຂຂື້ນ ໃນຄັ້ງວັນທີ 18 ກໍລະກົດ 2014 ຢູ່ທີ່ ຫ້ອງປະຊຸມ ຂອງ ກົມທີ່ດິນ, ໄດ້ໄຂຂື້ນຢ່າງເປັນທາງການ ໃນທ່າມກາງ ບັນຍາກາດ ອັນເບີກບານມ່ວນຊື່ນ ທົ່ວອົງການຈັດຕັ້ງ ມະຫາຊົນ ກໍຄື  ໜ່ວຍສະຫະພັນແມ່ ຍິງ ກຄມຊ, ພວມສ້າງຜົນງານເພື່ອກະກຽມ ຄໍານັບຮັບຕ້ອນ ກອງປະຊຸມໃຫ່ຍ ຂອງ ຄະນະສະຫະພັນແມ່ຍິງ ກຊສ ແລະ ກອງປະຊຸມ ໃຫ່ຍຄະນະພັກ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ.

 

ກອງປະຊຸມ ໃນຄັ້ງນີ້ ດໍາເນີນ ໂດຍພາຍໃຕ້ການເປັນ ປະທານຮ່ວມ ຂອງ ສະຫາຍ ນາງ ມອນມະນີ ຍອຍບົວກ່ອງ, ເລຂາໜ່ວຍພັກ ກອງເລຂາ  ຄະນະກຳມະການ  ແມ່ນໍ້າ ຂອງແຫ່ງຊາດລາວ, ສະຫາຍ ນາງສີສຸພັນ ຫຼວງລາດ ປະທານ ສະຫະພັນແມ່ຍິງ  ກະຊວງ  ຊັບພະຍາກອນທໍາມະຊາດ ແລະ ສິ່ງແວດລ້ອມ,  ສະຫາຍ  ນາງ ບົວໄຂ ນວນແສງສີ ຫົວໜ້າໜ່ວຍ  ສະຫະພັນແມ່ຍິງ ກອງເລຂາ ຄມຊ,  ຫຼັງຈາກນັ້ນ ຫົວໜ້າໜ່ວຍສະຫະພັນແມ່ຍິງ ກອງເລຂາ ຄມຊ ກໍ່ໄດ້ ຂື້ນຜ່ານບົດລາຍງານ ການ ເມືອງ, ກອງປະຊຸມ ກໍ່ໄດ້ມີການປະກອບຄໍາເຫັນ ຕໍ່ບົດລາຍງານ ແລະ ໄດ້ຮັບຮອງ ເອົາບົດລາຍງານ ການເມືອງດັ່ງກ່າວ.  ຫຼັງຈາກນັ້ນ ຄະນະໜ່ວຍສະຫະພັນ ແມ່ ຍິງຊຸດເກົ່າ ກໍ່ໄດ້ກ່າວລາໜ້າທີ່.

ໜ່ວຍສະຫະພັນແມ່ຍິງ ກອງເລຂາ ຄມຊ ມີສະມາຊິກທັງໜົດ 20 ສະຫາຍ, ໃນນີ້ ໄດ້ເຂົ້າເປັນ ສະມາຊິກພັກສົມບູນ 3 ສະຫາຍ, ສະມາຊິກພັກສໍາຮອງ 1 ສະຫາຍ ແລະ ເປັນມະຫາຊົນກ່າວໜ້າ ທີ່ກະກຽມຮຽນສະໜັບສະໜູນ ຈໍານວນ 1 ສະຫາຍ, ເປັນພະນັກງານລັດຖະກອນ 14 ສະຫາຍ, ອາສາສະໜັກ 6 ສະ ຫາຍ. ໃນນີ້ເອື້ອຍນ້ອງແມ່ຍິງ 1 ສະຫາຍ ມີຕໍາແໜ່ງ ເປັນຮອງຫົວໜ້າ ພະແນກ, ແລະ ມີເອື້ອຍນ້ອງຍິງ ຈໍານວນໜຶ່ງ ໄດ້ຖຶກ ຄັດເລືອກ ໃຫ້ເປັນຄະນະໜ່ວຍ ຊາວໜຸ່ມ ແລະ ກໍາມະບານອີກດ້ວຍ.

ນອກຈາກນັ້ນ ຍັງມີແຂກ ເຂົ້າຮ່ວມ ຈໍານວນ 15 ທ່ານຄື: ຕາງໜ້າ ໜ່ວຍສະຫະພັນແມ່ຍິງ ຈາກ ກົມກອງອ້ອມຂ້າງ ຂອງ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ກົມລະ 1 ທ່ານ, ຕາງໜ້າ ຈາກ ໜ່ວຍພັກ ກອງເລຂາ ຄມຊ ຈໍານວນ 1 ທ່ານ, ຕາງໜ້າ ຈາກ ໜ່ວຍກໍາມະບານ ກອງເລຂາ ຄມຊ ຈໍານວນ 1 ທ່ານ, ຕາງໜ້າ ຈາກ ຄະນະໜ່ວຍຊາວໜຸ່ມ ຈໍານວນ 1 ທ່ານ. ຫຼັງຈາກນັ້ນ, ກໍ່ຍັງໄດ້ປ່ອນບັດຄັັດເລືອກເອົາ ຄະນະໜ່ວຍສະຫະພັນແມ່ຍິງ ຊຸດໃໜ່ນໍາອີກ ເຊິ່ງມີ ຜູ້ສະໜັກ ຈໍານວນ 5 ສະຫາຍ ປ່ອນບັດຄັດເລືອກເອົາ 3 ສະຫາຍ, ຜ່ານການລົງ ຄະແນນສຽງ ແລະ ການເຫັນດີ ຈາກ ເລຂາໜ່ວຍພັກ ກອງເລຂາ ຄມຊ ສົມທົບ ກັບ  ປະທານ  ສະຫະພັນແມ່ຍິງ  ກະຊວງ  ຊັບພະຍາກອນທໍາມະຊາດ ແລະ ສິ່ງແວດລ້ອມ  ໄດ້ຕົກລົງເຫັນດີ  ເປັນເອກະພາບກັນ ໂດຍໃຫ້ສະຫາຍ ນາງ ບົວໄຂ ນວນແສງສີ ເປັນຫົວໜ້າໜ່ວຍ ສະຫະພັນແມ່ຍິງ ກອງເລຂາ ຄມຊ, ສະຫາຍ ນາງ ດາວວິນ ສຸພົນພັກດີ ເປັນຮອງຫົວໜ້າໜ່ວຍ ສະຫະພັນແມ່ຍິງ ກອງເລຂາ ຄມຊ ທັງເປັນປະທານກວດກາ ອີກດ້ວຍ, ສະຫາຍ ນາງ ໄຊສົມພອນ ສຸວັນນະວົງ ເປັນກໍມະການ ໜ່ວຍສະຫະພັນແມ່ຍິງ ກຄມຊ.

ຫຼັງຈາກນັ້ນ, ກໍ່ໄດ້ຮັບຟັງການ ໂອ້ລົມ ຈາກ ສະຫາຍ ນາງ ສີສຸພັນ ຫຼວງລາດ ປະທານ ສະຫະພັນແມ່ຍິງ ກຊສ, ເຊິ່ງເພີ້ນເນັ້ນໃຫ້ ບັນດາ ສະມາຊິກແມ່ຍິງ ທົ່ວ ກອງເລຂາ ຄມຊ ໃຫ້ສືບຕໍ່ຫ້າວຫັນ ແລະ ຕັ້ງໜ້າສ້າງຜົນງານ ໃຫ້ພົ້ນເດັ່ນຂື້ນກ່ວາເກົ່າ ໂດຍແນໃສ່ ຂໍ້ແຂ່ງຂັນ ສາມດີ ໃຫ້ປະກົດຜົນເປັນຈິງກໍ່ຄື: ພົນລະເມືອງດີ, ພັດທະນາດີ ແລະ ສ້າງຄອບຄົວຜາສຸກ, ເພື່ອເຮັດໃຫ້ແມ່ຍິງທົ່ວກອງເລຂາ ຄມຊ ໃຫ້ມີຄຸນທາດ ດ້ານການເມືອງ ແລະ ຄວາມຮູ້ສາມາດ. ນອກຈາກນີ້, ໃນທີ່ປະຊຸມ ຍັງໄດ້ຮັບຟັງ ການໂອ້ລົມ ຈາກ ສະຫາຍ ນາງ ມອນມະນີ ຍອຍບົວກ່ອງ, ເລຂາໜ່ວຍພັກ ກອງເລຂາ ຄມຊ, ສະຫາຍໄດ້ໃຫ້ທິດຊີ້ນໍາ ແລະ ຮຽກຮ້ອງໃຫ້ ບັນດາ ສະມາຊິກ ແມ່ຍິງຝຶກຝົນຫຼໍ່ຫຼອມຕົນເອງ  ໃຫ້ກາຍເປັນແມ່ຍິງ  ທີ່ມີຄວາມຮູ້ ຄວາມສາມາດ ເພື່ອປະກອບສ່ວນ ໃຫ້ແກ່ ການພັດທະນາ ແລະ ສ້າງສາປະເທດຊາດ   ໂດຍສະເພາະ ວຽກງານ ຄຸ້ມຄອງຊັບພະຍາກອນນໍ້າ ແບບປະສົມປະສານ ໃນອ່າງແມ່ນໍ້າຂອງ.

 

 

Last Updated on Friday, 25 July 2014 08:47