Joom!Fish config error: Default language is inactive!
 
Please check configuration, try to use first active language

ພິທີມອບຮັບໃບຢັ້ງຢືນ ໜ່ວຍພັກແຂງ-ຮູ້ນຳພາຮອບດ້ານ ສົກປີ 2013-214
ພິທີມອບຮັບໃບຢັ້ງຢືນ ໜ່ວຍພັກແຂງ-ຮູ້ນຳພາຮອບດ້ານ ສົກປີ 2013-214 PDF Print E-mail
Written by ສັກດາ ພິໄຊຍະວົງ   
Friday, 19 February 2016 11:08

ໃນຕອນບ່າຍ ຂອງ ວັນທີ 17 ກຸມພາ 2016 ຢູ່ທີ່ ສະໂມສອນ ຂອງ ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີ ມອບ-ຮັບ ໃບຢັ້ງຢືນ ໜ່ວຍພັກແຂງ-ຮູ້ນຳພາຮອບດ້ານ ສົກປີ 2013-2014 ໃຫ້ແກ່ 2 ໜ່ວຍພັກ ຄື: ໜ່ວຍພັກ ກົມອຸຕຸນິຍົມ ແລະ ອຸທົກກະສາດ ແລະ ໜ່ວຍພັກ ກອງເລຊາ ຄະນະກຳມະການ ແມ່ນ້ຳຂອງແຫ່ງຊາດລາວ. ໂດຍການໃຫ້ກຽດຂຶ້ນມອບໂດຍ ສະຫາຍ ບຸນມີ ພຸດທະວົງ, ຄະນະພັກກະຊວງ, ລັດຖະມົນ ຕີຊ່ວຍວ່າການ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ

 

ຂຶ້ນຮັບໃບຢັ້ງຢືນໂດຍ ສະຫາຍ ຂັນມະນີ ຂຸນພົນ ຮັກສາການເລຂາໜ່ວຍພັກ, ຮັກສາການ ຫົວໜ້າກົມອຸຕຸນິຍົມ ແລະ ອຸທົກກະສາດ ແລະ ສະຫາຍ ຈັນທະຈິດ ອຳໄພຈິດ, ຮັກສາການເລຂາໜ່ວຍພັກ, ຮັກສາການ ຫົວໜ້າກອງເລຂາ ຄມຊ. ນອກຈາກນັ້ນ, ຍັງມີບັນດາເລຂາ ແລະ ຕາງໜ້າເລຂາ ໜ່ວຍພັກ ຈາກ 17 ກົມອ້ອມຂ້າງ ກຊສ, ບັນດາສະມາຊິກພັກ ສົມບູນ, ສະມາຊິກພັກສຳຮອງ, ມະຫາຊົນກ້າວໜ້າ ແລະ ຕາງໜ້າ 3 ອົງການຈັດຕັ້ງ ມະຫາຊົນ ຂອງ ກົມອຸຕຸນິຍົມ ແລະ ອຸທົກກະສາດ ແລະ ກອງເລາຂາ ຄມຊ ກໍໄດ້ເຂົ້າຮ່ວມເປັນກຽດໃນພິທີມອບຮັບ ໃນຄັ້ງນີ້.

ສະຫາຍ ຂັນມະນີ ຂຸນພົນ ຮັກສາການເລຂາໜ່ວຍພັກ ກົມອຸຕຸນິຍົມ ແລະ ອຸທົກກະສາດ ແລະ ສະຫາຍ ຈັນທະຈິດ ອຳໄພຈິດ ຮັກສາການ ເລຂາໜ່ວຍພັກ ກຄມຊ ກໍ່ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດ ແຜນການກໍ່ສ້າງພັກແຂງ-ຮູ້ນຳພາຮອບດ້ານສົກປີ 2013-2014 ແລະ ທິດທາງແຜນການ ສົກປີ 2014-2015 ຂອງ ໜ່ວຍພັກ ກົມອຸຕຸນິຍົມ ແລະ ອຸທົກກະສາດ ແລະ ໜ່ວຍພັກ ກຄມຊ ຕາມລຳດັບ.

 

 

Last Updated on Monday, 15 August 2016 10:50