Joom!Fish config error: Default language is inactive!
 
Please check configuration, try to use first active language

ພິທີ ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຂອງ ໜ່ວຍພັກ ກຄມຊ
ພິທີ ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຂອງ ໜ່ວຍພັກ ກຄມຊ PDF Print E-mail
Written by ສັກດາ ພິໄຊຍະວົງ   
Friday, 04 March 2016 16:37

ໃນຕອນບ່າຍ ຂອງ ວັນທີ 29 ກຸມພາ 2016, ໜ່ວຍພັກກອງເລຂາ ຄະນະກຳມະການ ແມ່ນໍ້າຂອງແຫ່ງຊາດ ໄດ້ຈັດພິທີຮັບ ມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ທີ່ ຫ້ອງປະຊຸມຊັ້ນ 3, ກົມຄຸ້ມຄອງທີ່ດິນ, ກຊສ ໂດຍ ການໃຫ້ກຽດເຂົ້າຮ່ວມ ຂອງ ສະຫາຍ ບຸນມີ ພຸດທະວົງ ຮອງເລຂາ ຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ. ໃນນັ້ນ, ປະກອບມີ ຄະນະພັກ ຈາກ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດລາວ ແລະ ກົມກອງ ອ້ອມຂ້າງ ພາຍໃນ ກຊສ ລວມທັງ ຕາງໜ້າຈາກ 3 ອົງການຈັດຕັ້ງມະຫາຊົນ ກໍ່ໄດ້ໃຫ້ກຽດເຂົ້າຮ່ວມ.


ໃນພິທີ ດັ່ງກ່າວ ສະຫາຍ ພອນປະເສີດ ພຸລິພັນ, ຄະນະໜ່ວຍພັກ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດ, ໄດ້ຂຶ້ນກ່າວລາຍງານ ແລະ ຢັ້ງຢືນ ພ້ອມທັງ ຜ່ານມະຕິຕົກລົງ ຈາກ ຄະນະພັກ ກຊສ. ພ້ອມດຽວກັນນີ້, ສະຫາຍ ຈັນທະຈິດ ອຳໄພຈິດ ຮັກສາການ ເລຂາ ໜ່ວຍພັກ ກໍ່ໄດ້ຂຶ້ນກ່າວຮັບເອົາ ມະຫາຊົນກ້າວໜ້າ ເຂົ້າເປັນສະມາຊິກ ພັກສຳຮອງ ທັງໝົດ 4 ສີ່ ສະຫາຍຄື: ສະຫາຍ ບົວວອນ ເບັ້ຍກອມບຣູ, ສະຫາຍ ວຽງໄຊ ສໍພະຈັນ, ສະຫາຍ ທອງທີບ ຈັນດາລາສານ, ແລະ ສະຫາຍ ສົມພອນ ຄຳພັນ. ນອກຈາກນີ້, ທ່ານຮັກສາການ ເລຂາ ໜ່ວຍພັກ ກໍ່ຍັງໄດ້ ມອບມະຕິຕົງລົງ ໃຫ້ບັນດາ ສະມຊິກ ພັກສຳຮອງໃໝ່ ອີກດ້ວຍ ຕາມລຳດັບ.

ຫຼັງຈາກນັ້ນ ສະຫາຍ ບຸນມີ ພຸດທະວົງ ກໍ່ໃຫ້ກຽດກ່າວຄຳໂອວາດ ໂດຍເນັ້ນໃສ່ ໃຫ້ບັນດາສະມາຊິກ ສຳຮອງ ສຶບຕໍ່ ຮັກສາມູນເຊື້ອອັນດີງາມ ເພື່ອກ້າວ ເຂົ້າສະມາຊິກສົມບູນໃນຂັ້ນຕອນໄປ. ພ້ອມດຽວກັນນັ້ນ, ສະຫາຍ ຮອງ ເລຂາ ຄະນະພັກ  ກຊສ ກໍ່ຍັງເນັ້ນໃຫ້ ບັນດາ ສະມາຊິກພັກ ຖັນຖາວ ພະນັກ ງານ ເວົ້າສະເພະ ກໍ່ຄື ສະມາຊິກ ພັກ ພາຍໃນ ກອງເລຂາ ຄະນະກຳມະການແມ່ນໍ້າຂອງ  ໃຫ້ຍົກສູງວຽກງານພັກ, ເສີມຂະຫຍາຍ ແລະ ເພີ່ມທະວີ ແນວຄິດການເມືອງ ແລະ ສະຕິຕໍ່ການຈັດຕັ້ງສູງ ເພື່ອປະກອບສ່ວນເຂົ້າການສ້າງໜ່ວຍພັກເຂັ້ມແຂງຮູ້ນໍາພາຮອບດ້ານ.

ໃນຕອນທ້າຍ ຕາງໜ້າ ສະມາຊິກພັກ ສຳຮອງໃໝ່ ກໍ່ໄດ້ຂຶ້ນກ່າວຮັບ ຄຳໂອອາດ ແລະ ໃຫ້ຄຳໝັ້ນສັນຍາ ວ່າ ສຶບຕໍ່ ແລະ ຮໍ່າຮຽນເອົາການເມືອງ ແນວຄິດ, ຍຶດຖືຫຼັກໝັ້ນ ແລະ ປະຕິບັດກົດລະບຽບຂອງພັກ ທີ່ວາງອອກ ຢ່າງເຂັ້ມງວດ ພ້ອມທັງ ຈະຝຶກຝົ້ນຫຼໍ່ຫຼອມຕົນເອງໃຫ້ກາຍເປັນ ພະນັກງານທີ່ດີ ເພື່ອກ້າວເຂົ້າສູ່ສະມາຊິກ ສົມບູນໃນຂັ້ນຕໍ່ໄປ.

Last Updated on Friday, 25 March 2016 09:26