English (United Kingdom)Lao
ການໄປຢ້ຽມຊົມຫ້ອງວາງສະແດງມູນເຊື້ອສະຫະພັນແມ່ຍິງລາວ PDF ພິມ ອີເມລ
ຂຽນໂດຍ ສັກດາ ພິໄຊຍະວົງ   
ມື້ອັງຄານທີ່ 19 ກໍລິກົດ 2016 ເວລາ 11: 38

 

ໃນຕອນເຊົ້າຂອງວັນທີ 29 ມິຖຸນາ 2016 ໝ່ວຍສະຫະພັນແມ່ຍິງ ກຄມຊ ໄດ້ສົມທົບກັບ ໜ່ວຍກຳມະບານ ແລະ ໜ່ວຍຊາວໜຸ່ມ ຈາກ ກຄມຊ ໄປຢ້ຽມຊົມ ຫ້ອງວາງ ສະແດງມູນເຊື້ອ ສະຫະພັນແມ່ຍິງລາວ ທີ່ ສູນຝຶກອົບຮົມ ສະຫະພັນແມ່ຍິງລາວ ນະຄອນຫຼວງວຽງຈັນ ເພື່ອເປັນການ ສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງອົງການຈັດຕັ້ງສະຫະ ພັນແມ່ຍິງລາວ ຄົບ ຮອບ 61 ປີ ( 20 ກໍລະກົດ 1955-20 ກໍລະກົດ 2016) ການໄປຢ້ຽມຊົມໃນຄັ້ງນີ້ ສະມາຊິກ 3 ອົງການຈັດຕັ້ງມະຫາຊົນ ກຄມຊ ໄດ້ເຂົ້າໃຈເລິກຂຶ້ນຕື່ມ ກ່ຽວກັບ ມູນເຊື້ອຂອງແມ່ຍິງລາວ ໃນພາລະກິດ ຕໍ່ສູ້ປົດປ່ອຍປະເທດຊາດ ຈົນຫຼາຍທ່ານ ໄດ້ກາຍເປັນວິລະຊົນແຫ່ງຊາດ ແລະ ເປັນນັກຮົບແຂ່ງຂັນ ທົ່ວປະເທດ. ແມ່ຍິງລາວຍັງໄດ້ ສືບຕໍ່ປະກອບ ສ່ວນຢ່າງບໍ່ຢຸດຢັ້ງເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ເຊິ່ງເຮັດໃຫ້ແມ່ຍິງ ລາວ ໄດ້ຮັບການ ພັດທະນາ ໃນທຸກໆດ້ານເຊັ່ນ: ວຽກງານການເມືອງ; ການພັດ ທະນາເສດຖະກິດ; ວັດທະນະທໍາສັງຄົມ ພ້ອມດຽວກັນນີ້ ກໍ່ໄດ້ ເພີ່ມທະວີການ ຮັກສາມູນເຊື້ອອັນດີ ງານເປັນຕົ້ນແມ່ນ ການຕໍ່າຫູກທໍໄໝ ແລະ ການນຸ່ງຖື ຕາມຮີດຄອງປະເພນີ ຂອງລາວ; ແມ່ຍິງລາວ ໄດ້ເປີດ ກວ້າງ ການພົວພັນກັບຕ່າງປະເທດ ບັນດາແມ່ຍິງ ໃນທົ່ວໂລກເຊິ່ງເປັນໂອກາດອັນດີ ໃນການເຜີຍແຜ່ຮີດຄອງປະເພນີ ແລະ ວັດທະນະ ທໍາອັນ ດີງາມຕໍ່ຊາວໂລກ.

 

LAST_UPDATED2