Joom!Fish config error: Default language is inactive!
 
Please check configuration, try to use first active language

ກອງປະຊຸມ ເປີດບັ້ນດຳເນີນຊີວິດການເມືອງ ແລະ ການທາບທາມບຸກຄະລາກອນ ສະໝັກເລືອກຕັ້ງເຂົ້າເປັນຄະນະໜ່ວຍພັກ ກຄມຊ
ກອງປະຊຸມ ເປີດບັ້ນດຳເນີນຊີວິດການເມືອງ ແລະ ການທາບທາມບຸກຄະລາກອນ ສະໝັກເລືອກຕັ້ງເຂົ້າເປັນຄະນະໜ່ວຍພັກ ກຄມຊ PDF Print E-mail
Written by ທ້າວ ສັກດາ ພິໄຊຍະວົງ   
Friday, 21 October 2016 14:37

ກອງເລຂາ ຄະນະກຳມະການແມ່ນໍ້າຂອງແຫ່ງຊາດລາວໄດ້ເປີດບັ້ນດຳເນີນກອງປະຊຸມຊີວິດການເມືອງ ແລະ ທາບທາມບຸກຄະລາກອນ ສະໝັກ ເລືອກ ຕັ້ງເຂົ້າເປັນ ຄະນະພັກ ກຄມຊ ຊຸດໃໝ່ ຂຶ້ນໃນລະຫວ່າງ ວັນທີ 5-6 ຕຸລາ 2016 ທີ່ຫ້ອງປະຊຸມ ກົມອຸຕຸນິຍົມ ແລະ ອຸທົກກະສາດ ໂດຍພາຍໃຕ້ ການເປັນທານ ຂອງສະຫາຍ ບຸນມີ ພຸດທະວົງ ຮອງເລຂາຄະນະພັກ ກຊສ, ຊຶ່ງມີຜູ້ເຂົ້າຮ່ວມ ທັງໝົດ 40 ຄົນ ປະກອບດ້ວຍ ສະມາຊິກພັກສົມບູນ, ສະມາຊິກພັກສຳຮອງ ແລະ ບັນດາຫົວໜ້າພະແນກ, ຮອງຫົວໜ້າພະແນກ ແລະ ພະນັກງານວິຊາການ ລວມທັງ ຄະນະຊີ້ນຳ ກະກຽມກອງປະຊຸມໃຫ່ຍ ຂອງ ໜ່ວຍພັກ.ສະຫາຍ ບຸນມີ ພຸດທະວົງ ໄດ້ເປີດບັ້ນດຳເນີນຊີວິດການເມືອງຂອງໜ່ວຍພັກ ກອງເລຂາ ຄມຊ ຢ່າງເປັນທາງການ ພ້ອມທັງໄດ້ໂອ້ລົມ

ແລະ ເຜີຍແຜ່ ສາມເອກະສານຄື ເພື່ອໃຫ້ຜູ້ເຂົ້າຮ່ວມໄດ້ເຊື່ອມຊຶມຄື: 1)ການຝືກຝົນຄຸນ ທາດການເມືອງ ແລະ ຄຸນສົມບັດສິນທຳປະຕິວັດ; 2) ແບບແຜນ ວິທີເຮັດວຽກ ແລະ ກາານຍົກສູງຄວາມສາມາດນຳພາຂອງຄະນະພັກຂັ້ນຕ່າງໆ; ແລະ 3) ມາດຖານຄະນະພັກ, ມາດຖານສະມາຊິກພັກ, ຂໍ້ຫ້າມ ສຳລັບສະມາຊິກພັກ, ຄວາມຮັບຜິດຊອບດ້ານການເມືອງຂອງພະນັກງານ-ລັດຖະກອນ.ພາຍຫຼັງ ຈາກທີ່ ໄດ້ຮັບຟັງ ແລະ ເຊື່ອມຊຶມເອກະສານ ທີ່ທ່ານ ປະທານກອງປະຊຸມ ໄດ້ບັນຍາຍ ຕໍ່ຈາກນັ້ນ ສະຫາຍຈັນທະຈິດ ອຳໄພຈິດ ຮັກສາການ ເລຂາໜ່ວຍພັກ ກອງເລຂາ ຄມຊ ກໍໄດ້ຂຶ້ນຜ່ານ ຮ່າງບົດລາຍ ງານການເມືອງຂອງໜ່ວຍພັກ ກອງເລຂາ ຄມຊ ຕໍ່ກອງປະຊຸມ ເພື່ອໃຫ້ຜູ່ເຂາຮ່ວມກອງປະຊຸມມີຄຳເຫັນ. ຫຼັງຈາກນັ້ນ, ສະຫາຍ ໄຊຍະເວດ ວິໄຊ ເລຂາໜ່ວຍພັກກົມຈັດຕັ້ງ ແລະ ພະນັກງານ ກໍໄດ້ຂຶ້ນຜ່ານມາດຖານຂອງບຸກຄະລາກອນທີ່ເລືອກເຟັ້ນເຂົ້າໃນການທາບທາມ ສະໝັກເລືອກຕັ້ງ ເປັນຄະນະ ໜ່ວຍພັກ ກອງເລຂາ ຄມຊ ຊຸດໃໝ່ ຕໍ່ທີ່ປະຊຸມ ແລະ ດຳເດີນການປ່ອນບັດ ທາບທາມຮອບທີໜຶ່ງ. ນອກຈາກນັ້ນ ສະຫາຍ ບຸນມີ ພຸດທະວົງ ຍັງໄດ້ກ່າວແນະນຳ ແລະ ເນັ້ນຢ້ຳ ກ່ຽວກັບ ການທາບທາມຮອບທີ1 ວ່າ: ບັນດາສະຫາຍ ຕ້ອງໄດ້ເລືອກເຟັ້ນ ເອົາຜູ່ທີ່ມີຄວາມຮູ້ ຄວາມສາມາດ ໃນການຊີ້ນຳ-ນຳພາ, ເລືອກເອົາຜູ່ທີ່ມີເງື່ອນໄຂ ແລະ ມາດຖານຄົບຖ້ວນ ເພື່ອເຂົ້າມາເປັນຄະນະບໍລິຫານງານ ໜ່ວຍພັກຊຸດໃໝ່.



ໃນຕອນບ່າຍ ຂອງວັນທີ 5 ຕຸລາ 2016 ໜ່ວຍພັກ ກອງເລຂາ ຄມຊ ກໍໄດ້ສືບຕໍ່ ດຳເນີນຊີວິດການເມືອງ ພາຍໃນໜ່ວຍພັກ ໂດຍການເປັນປະທານ ຂອງ ສະຫາຍ ຈັນທະຈິດ ອຳໄພຈິດຮັກສາການ ເລຂາໜ່ວຍພັກ ກຄມຊໂດຍມີສະມາຊິກພັກທັງໝົດເຂົ້າຮ່ວມ ແລະ ຄະນະຮັບຊີ້ນຳກະກຽມ ດຳເນີນກອງ ປະຊຸມໃຫຍ່ ຂອງ ໜ່ວຍພັກ 2 ສະຫາຍ ເຂົ້າຮ່ວມ. ສະຫາຍຮັກສາການເລາໜ່ວຍພັກ ໄດ້ຜ່ານບົດສຳຫຼວດການນຳພາລວມ ຂອງ ໜ່ວຍພັກ ຕໍ່ກອງ ປະຊຸມ, ຫຼັງຈາກນັ້ນ ກໍໄດ້ມີການສຳຫຼວດກວດກາ ໂດຍໃຫ້ສາມາສິກພັກສົມບູນ ຂຶ້ນຜ່ານບົດສຳຫຼວດຕົນເອງ ຕໍ່ ກອງປະຊຸມ ເພື່ອໃຫ້ສະມາຊິກທຸກ ສະຫາຍ ປະກອບຄຳເຫັນ ເພື່ອຕຳນິກໍ່ສ້າງເຊິ່ງກັນ ແລະ ກັນ.

ກອງປະຊຸມບັ້ນດຳເນີນຊີວິດການເມືອງ ແລະ ທາບທາມບຸກຄະລາກອນຂອງໜ່ວຍພັກ ກອງເລຂາ ຄມຊ ໄດ້ປິດລົງ ໃນເວລາ 12:00 ໂມງ ຂອງ ວັນທີ 6 ຕຸລາ 2016.


Last Updated on Friday, 21 October 2016 15:21