Joom!Fish config error: Default language is inactive!
 
Please check configuration, try to use first active language

ພີທີ ເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນ
ພີທີ ເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນ PDF Print E-mail
Written by ທ້າວ ສັກດາ ພິໄຊຍະວົງ   
Friday, 28 October 2016 16:41

 

ໃນຕອນບ່າຍ ຂອງ ວັນທີ 14 ຕຸລາ 2016 ໂດຍປະຕິບັດຕາມ ກົດລະບຽບ ຂອງ ພັກປະຊາຊົນປະຕິວັດລາວ, ໜ່ວຍພັກ ກອງເລາ ຄມຊ ໄດ້ຈັດພິທີ ເລື່ອນສະມາຊິກພັກສຳຮອງ ຈຳນວນສອງສະຫາຍ ຂຶ້ນເປັນສະມາຊິກພັກສົມບູນ ຂອງ ພັກ ປະຊາຊົນປະຕິວັດລາວ. ໂດຍການໃຫ້ກຽດ ເປັນປະທານ ຮ່ວມ ຂອງ ສະຫາຍ ໄຊຍະເວດ ວິໄຊ, ຄະນະ ພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ສະຫາຍ ພອນປະເສີດ ພູລິພັນ, ຮອງເລຂາໜ່ວຍພັກ, ຮອງຫົວໜ້າ ກອງເລຂາ ຄມຊ ແລະ ບັນດາ ຜູ່ຕາງໜ້າ ຈາກ ໜ່ວຍພັກ ກົມອຸຕຸນິຍົມ ແລະ ອຸທົກກະສາດ, ກົມຊັບພະຍາກອນນ້ຳ, ກົມຈັດສັນ ແລະ ພັດທະນາທີ່ດິນ, ກົມທີ່ດິນ, ກົມຄຸ້ຄອງໄພພິບັດ ແລະ ປ່ຽນແປງ ດິນຟ້າອາກາດ, ບັນດາສະມາຊິກພັກສົມບູນ ແລະ ສຳຮອງພາຍໃນໜ່ວຍພັກ, ຕາງໜ້າ ສາມອົງການຈັດຕັ້ງມະຫາຊົນ ກຊສ ແລະ ຕາງໜ້າສາມອົງການຈັດຕັ້ງມະຫາຊົນ ກຄມຊ.

 

ພາຍຫຼັງທີ່ ສະມາຊິກໃໝ່ທັງສອງສະຫາຍ ໄດ້ຜ່ານບົດສຳຫຼວດຕົວເອງແລ້ວ ສະຫາຍ ພອນປະເສີດ ພູລິພັນ ກໍໄດ້ຂຶ້ນອ່ານ ມະຕິຕົກລົງ ຂອງ ຄະນະພັກກະຊວງ ວ່າດ້ວຍ ການເລື່ອນສະມາຊິກສຳຮອງ ຂຶ້ນເປັນສະມາຊິກສົມບູນ ແລະ ກ່າວຮັບເອົາ ສະມາຊິກ ແລະ ມອບມະຕິຕົກລົງ ໃຫ້ທັງສອງສະຫາຍ. ທ້າຍສຸດ ສະຫາຍ ໄຊຍະເວດ ວິໄຊ ຄະນະພັກກະຊວງ ກໍ່ໄດ້ໃຫ້ຄຳ ໂອວາດ ແກ່ສະມາຊິກໃໝ່ ເຖິງວ່າສະໄດ້ເຂົ້າເປັນສະມາຊິກສົມບູນແລ້ວ ກໍ່ຕາມ ສະຫາຍຍັງຕ້ອງໄດ້ບຸກບືນໃນການ ຄົ້ນຄວ້າຮ່ຳຮຽນ ທິດສະດີມາກ-ເລິນ, ກຳແໜ້ນແນວທາງນະໂຍບາຍຂອງພັກ, ເຊື່ອມຊຶມ ແລະ ຜັນຂະຫຍາຍ ມະຕິ ກອງປະຊຸມໃຫຍ່ ຄັ້ງທີ X ຂອງພັກ, ປະຕິບັດລະບຽບຂອງພັກ, ຍົກສູງສະຕິພັກ, ສະຕິຕໍ່ການຈັດຕັ້ງ ໂດຍການເຄົາລົບ ກົດໝາຍ ຂອງ ສປປ ລາວ ຢ່າງເຂັ້ມງວດ, ຕຳນິກໍ່ສ້າງເຊິ່ງກັນ ແລະ ກັນດ້ວຍຄວາມຈິງໃຈພ້ອມທັງເປັນແບບຢ່າງທີ່ດີ ໃຫ້ແກ່ມະຫາຊົນ.

Last Updated on Friday, 28 October 2016 16:43