Joom!Fish config error: Default language is inactive!
 
Please check configuration, try to use first active language

ກອງປະຊຸມໃຫຍ່ຄັ້ງທີ I ຂອງ ໜ່ວຍພັກ ກອງເລຂາ ຄະນະກຳມະການ ແມ່ນ້ຳຂອງແຫ່ງຊາດລາວ
ກອງປະຊຸມໃຫຍ່ຄັ້ງທີ I ຂອງ ໜ່ວຍພັກ ກອງເລຂາ ຄະນະກຳມະການ ແມ່ນ້ຳຂອງແຫ່ງຊາດລາວ PDF Print E-mail
Written by ທ້າວ ສັກດາ ພິໄຊຍະວົງ   
Thursday, 17 November 2016 16:39

ກອງປະຊຸມໃຫຍ່ຄັ້ງທີ I ຂອງໜ່ວຍພັກ ກອງເລຂາ ຄະນະກຳມະການ ແມ່ນ້ຳຂອງແຫ່ງຊາດລາວ, ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ໄດ້ໄຂຂຶ້ນຢ່າງເປັນທາງການ ໃນຕອນບ່າຍ ຂອງວັນທີ11ພະຈິກ 2016, ທີ່ ຫ້ອງປະຊຸມ ກົມອຸຕຸນິຍົມ ແລະ ອຸທົກກະສາດໂດຍການ ໃຫ້ກຽດ ເຂົ້າຮ່ວມຂອງ ສະຫາຍ ບຸນມີ ພຸດທະວົງ ຮອງເລຂາຄະນະພັກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ; ມີຜູ້ແທນສົມບູນ ຈຳນວນ 14 ສະຫາຍ, ຍິງ 03 ສະຫາຍ. ພ້ອມດ້ວຍຜູ້ຕາງໜ້າບັນດາໜ່ວຍພັກອ້ອມຂ້າງ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະຜູ້ຕາງໜ້າ 03 ອົງການ ຈັດຕັ້ງມະຫາຊົນໃຫ້ກຽດເຂົ້າຮ່ວມກອງປະຊຸມໃຫຍ່ໃນຄັ້ງນີ້ຢ່າງພ້ອມພຽງ.

ສະຫາຍ ພອນປະເສີດ ພູລິພັນ, ຮອງເລຂາ ໜ່ວຍພັກ ກອງເລຂາ ຄມຊ ຂຶ້ນຜ່ານ ບົດລາຍງານການເມືອງ ຕໍ່ກອງປະຊຸມ ເພື່ອສະຫຼຸບ ການຈັດຕັ້ງປະຕິບັດໜ້າທີ່ວຽກງານ ໃນໄລຍະ 04 ປີ ຜ່ານມາ ແລະ ທິດທາງ ແຜນດຳເນີນງານ ຂອງ ໜ່ວຍພັກ ກອງເລຂາ ຄມຊ ແຕ່ປີ 2016-2020ນັບແຕ່ສ້າງຕັ້ງໜ່ວຍພັກ ຂອງ ກອງເລຂາ ຄມຊ ຕາມມະຕິຕົກລົງສະບັບ​ເລກທີ 084/ຄພ.ກຊສ, ລົງວັນທີ 16 ກໍລະກົດ 2012 ແລະ ໄດ້ເຄື່ອນໄຫວພາຍໃຕ້ ການຊີ້ນຳ-ນຳພາ ຂອງ ຄະນະພັກກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີພາລະບົດບາດ, ໜ້າທີ່ ເປັນເສນາທິການ ໃຫ້ແກ່ ອົງຄະນະພັກກະຊວງ ໃນການປະຕິບັດໜ້າທີ່ຊີ້ນໍາ-ນຳພາວຽກງານພັກ-ລັດ ໃນກອບການຮ່ວມມືສາກົນ ພາຍໃຕ້ສັນຍາ ວ່າດ້ວຍການຮ່ວມມື ເພື່ອການພັດທະນາອ່າງແມ່ນໍ້າຂອງແບບຍືນຍົງ(ຫລືເອີ້ນວ່າ: ສັນຍາແມ່ນໍ້າຂອງປີ 1995). ສຸມໃສ່ ໃນການຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ່ IX-X ຂອງພັກ, ມະຕິກອງປະຊຸມໃຫຍ່ ຄັ້ງທີ I ຂອງ ກະຊວງຊັບ ພະຍາກອນທໍາມະຊາດ ແລະ ສິ່ງແວດລ້ອມ ເພື່ອສ້າງບາດກ້າວຫັນປ່ຽນ ຕາມທິດຍົກສູງຄຸນນະພາບໃໝ່ ຕິດພັນກັບການ ຍູ້ແຮງແຂ່ງຂັນຮັກຊາດ ແລະ ພັດທະນາ, ວິໄສທັດຮອດປີ 2030, ຍຸດທະສາດ 10 ປີ(2016-2025) ແລະ ແຜນ 5 ປີ ສົກປີ 2016-2020 ຂອງຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ.


ກອງປະຊຸມຄັ້ງນີ້ໄດ້ດໍາເນີນການປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ຊຶ່ງມີຜູ້ສະໝັກ 05ສະຫາຍ, ເລືອກເອົາ 03 ສະຫາຍ; ຜ່ານການ ປ່ອນບັດ, ນັບຄະແນນ ແລະ ດຳເນີນກອງປະຊຸມຄັ້ງປະຖົມມະລຶກ ໄດ້ເຫັນດີເປັນເອກະພາບເລືອກ ເອົາ03 ສະຫາຍ ເປັນຄະນະໜ່ວຍພັກຊຸດໃໝ່ ດັ່ງນີ້:

1) ສະຫາຍ ປ.ອ ອິນທະວີ ອັກຄະລາດ ເປັນເລຂາໜ່ວຍພັກ ຊີ້ນຳລວມ;

2) ສະຫາຍ ພອນປະເສີດ ພູລິພັນ ເປັນຮອງເລຂາໜ່ວຍພັກ ທັງເປັນປະທານກວດກາພັກ; ແລະ

3) ສະຫາຍ ຈັນທະວີໄຊ ອິນສີຊຽງໃໝ່ ເປັນຄະນະ ຊີ້ນຳວຽກງານ 03 ອົງການຈັດຕັ້ງ.

ນອກຈາກນັ້ນ, ສະຫາຍ ບຸນມີ ພຸດທະວົງ, ຮອງເລຂາຄະນະພັກກຊສ ໄດ້ໃຫ້ຄຳໂອ້ລົມຕັກເຕືອນແລະຊີ້ນຳ ຄະນະ ໜ່ວຍພັກ ກອງເລຂາ ຄມຊ ຊຸດໃໝ່. ເຊິ່ງກ່ອນອື່ນໝົດ ສະຫາຍໄດ້ເນັ້ນໜັກໃຫ້ຄະນະໜ່ວຍພັກຊຸດໃໝ່ ເອົາໃຈໃສ່ ເພີ້ມທະວີບົດບາດການນຳພາຂອງພັກຕໍ່ໜ່ວຍພັກກໍຄືຕໍ່ສະມາຊິກພັກ ເຮັດໃຫ້ສະມາຊິກພັກແຕ່ລະສະຫາຍ ຖືເອົາວຽກງານສຶກສາອົບຮົມ ການເມືອງ-ແນວຄິດ ເປັນບັນຫາສຳຄັນ, ສະມາຊິກພັກຕ້ອງໄດ້ຮັບການຍົກລະດັບທາງ ດ້ານທິດສະດີ, ສາມາດກຳແໜ້ນວຽກງານແນວຄິດການເມືອງ, ກຳແໜ້ນແນວທາງ ແລະ ອຸດົມການຂອງພັກ, ເອົາໃຈໃສ່ປະຕິບັດ ວຽກງານວິຊາສະ ເພາະຂອງຕົນຢ່າງຕັ້ງໜ້າ ດ້ວຍຄວາມຮັບຜິດຊອບສູງ ເນື່ອງຈາກວ່າໜ່ວຍພັກກອງເລຂາຄມຊ ແມ່ນເຮັດວຽກພົວພົນກັບສາກົນ, ພ້ອມທັງສືບຕໍ່ຮັກສາ ມູນເຊື້ອຄວາມສາມັກຄີພາຍໃນໜ່ວຍພັກກໍຄືບັນດາຜົນງານທີ່ໜ່ວຍພັກຍາດມາໄດ້ໃນໄລຍະຜ່ານມາ. ກ່ຽວກັບ ວຽກງານ ການ ຂະຫຍາຍສະມາຊິກພັກ ແມ່ນໃຫ້ພາກັນເອົາໃຈໃສ່ກໍ່ສ້າງ, ເລືອກເຟັ້ນເອົາມະຫາຊົນກ້າວໜ້າ ຜູ່ທີ່ມີຄຸນນະພາບຢ່າງ ແທ້ຈິງ ບໍ່ແມ່ນເຮັດເອົາຮູບການ ແລະກຳຈັດສະມາຊິກ ພັກທີ່ເສຍທາດຂາດຄຸນ.

Last Updated on Monday, 05 December 2016 16:51