English (United Kingdom)Lao
ແຂ່ງຂັນບານເຕະມິດຕະພາບຊາຍ PDF ພິມ ອີເມລ
ຂຽນໂດຍ ພະແນກ ຂໍ້ມູນ-ຂ່າວສານ, ກຄມຊ   
ມື້ຈັນທີ່ 15 ພຶດສະພາ 2017 ເວລາ 14: 56

ໃນຕອນແລງ ຂອງວັນທີ 3 ພຶດສະພາ 2017 ຜ່ານມາ ກອງເລຂາຄະນະກໍາມະການແມ່ນໍ້າຂອງແຫ່ງຊາດລາວ ໄດ້ເຄື່ອນໄຫວ ວຽກງານ ຂະບວນການແຂ່ງຂັນ ກິລາ ບານເຕະຊາຍ ມິດຕະພາບ ລະຫວ່າງ ກອງເລຂາຄະນະກໍາມະການແມ່ນໍ້າຂອງແຫ່ງຊາດລາວ ພົບກັບ ກົມຈັດຕັ້ງ ແລະ ພະນັກງານ, ກຊສ ເພື່ອສະເຫຼີມສະຫຼອງ ຕ້ອນຮັບ ວັນກໍາມະກອນສາກົນ ທີ່ຈະໝູນວຽນມາເຖິງນີ້, ເປັນການແລກບົດຮຽນເພີ່ມທະວີຄວາມສາມັກຄີ ຖອດຖອນບົດຮຽນຊື່ງກັນ ແລະ ກັນ, ທັງນີ້ກໍເພື່ອເປັນການເສີມສ້າງ ການອອກກຳລັງກາຍ ໃຫ້ແກ່ພະນັກງານ ມີສຸຂະພາບແຂງແຮງດີ, ມີຈິດໃຈເບີກບານມ່ວນຊື່ນ ຫ້າວຫັນຕໍ່ໜ້າທີ່ວຽກງານໃນຕໍ່ໜ້າ

 

ບັນຍາກາດໃນມື້ນັ້ນທຸກຄົນແມ່ນມີຄວາມສຸກເບີກບານມ່ວນຊື່ນເຕັມໄປດ້ວຍຮອຍຍີມ ແລະ ສຽງຮ້ອງໂຮແຊວ ຂອງການເຊຍ ອ້າຍເອື້ອຍນ້ອງ ທີ່ສົ່ງສຽງເຊຍໃຫ້ກັບບັນດານັກກິລາ ທັງ 2 ທີມ ທີ່ກຳລັງແຂ່ງຂັນກັນນັ້ນ ແລະ ສຸດທ້າຍການແຂ່ງຂັນດັ່ງກ່າວ ຜົນປະກົດວ່າ ທັງ 2 ທີມ ແມ່ນສະເໝີ ກັນ 5:5 ປະຕູ.