English (United Kingdom)Lao
ໜ້າທີ່ PDF ພິມ ອີເມລ
ຂຽນໂດຍ ພະແນກ ສັງລວມ, ກຄມຊ   
ມື້ອັງຄານທີ່ 19 ກັນຍາ 2017 ເວລາ 14: 43
  1. ປະຕິບັດກົດໝາຍ ແລະ ມະຕິຕົກລົງ, ດຳລັດ, ຂໍ້ຕົກລົງ, ຄຳສັ່ງ ແລະ ແຈ້ງການ ກ່ຽວກັບ ການຈັດຕັ້ງ ປະຕິບັດສັນຍາແມ່ນໍ້າຂອງ ປີ 1995 ແລະ ການຮ່ວມມືສາກົນໃນຂົງເຂດການຄຸ້ມຄອງອ່າງແມ່ນໍ້າຂອງ ທີ່ຂັ້ນເທິງວາງອອກ;
  2. ຫັນເອົາແນວທາງນະໂຍບາຍຂອງພັກ, ນະໂຍບາຍ, ຍຸດທະສາດ, ແຜນການ ແລະ ມະຕິຕົກລົງ ຂອງ ລັດຖະບານ, ຂອງ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກ່ຽວກັບ ວຽກງານການຈັດຕັ້ງປະຕິບັດ ສັນຍາແມ່ນໍ້າຂອງ ປີ 1995 ແລະ ການຮ່ວມມືສາກົນ ໃນຂົງເຂດການຄຸ້ມ ຄອງອ່າງແມ່ນໍ້າຂອງ ກໍ່ຄື ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ແລະ ຂອບການຮ່ວມມື ແມ່ນໍ້າຂອງຕອນລຸ່ມ-ສ.ອາເມລິກາ ມາເປັນແຜນຍຸດທະສາດ, ແຜນການ, ແຜນງານ ແລະ ໂຄງການລະອຽດຂອງຕົນ ພ້ອມທັງຮັບຜິດຊອບໃນການຈັດຕັ້ງປະຕິບັດ ໃຫ້ໄດ້ຮັບຜົນດີ ແລະ ປາກົດຜົນເປັນຈິງ;
  3. ເປັນເຈົ້າການ ແລະ ອໍານວຍຄວາມສະດວກໃນ​ການຈັດ ​ແລະ ​ເຂົ້າ​ຮ່ວມ​ກອງ​ປະຊຸມສະ​ໄໝ​ສາມັນ, ວິສາມັນ ​ແລະ ກອງ​ປະຊຸມ​ວິຊາ​ການ ຂອງ​ຄະນະ​ກຳມາ​ທິການ​ແມ່​ນໍ້າຂອງ​ສາກົນ, ຄະນະ​ກຳມະການ​ແມ່​ນ້ຳຂອງ​ແຫ່ງ​ຊາດ ແລະ ການຮ່ວມມືສາ ກົນໃນຂົງເຂດການຄຸ້ມຄອງອ່າງແມ່ນໍ້າຂອງ, ກໍ່ຄືຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ແລະ ຂອບການຮ່ວມມື ແມ່ນໍ້າຂອງຕອນລຸ່ມ-ສ.ອາເມລິກາ ພ້ອມ​ທັງ​ ສະຫຼຸບ, ລາຍ​ງານ ​ແລະ ໂຄສະນາ​​ເຜີຍ​ແຜ່​ຜົນ​ ຂອງ​ບັນດາ​ກອງ​ປະຊຸມ​ດັ່ງກ່າວ ຢ່າງ​ເປັນ​ລະບົບ;
  4. ຄຸ້ມຄອງ ພະນັກງານ-ລັດຖະກອນ ແລະ ຊ່ຽວຊານພາຍ​ໃນ ​ແລະ ຕ່າງປະເທດ ທີ່ເຮັດວຽກຢູ່ ກອງເລຂາ ຄະນະກຳມະການ​ແມ່​ນ້ຳຂອງແຫ່ງຊາດ​, ພະນັກງານລາວ ທີ່ເຮັດວຽກຢູ່ ກອງເລຂາ ຄະນະກໍາມາທິການ ແມ່ນ້ຳຂອງສາກົນ ເພື່ອສະຫຼຸບສັງລວມ ​ແລະ ລາຍ​ງານຂັ້ນເທິງຮັບຊາບ ຢ່າງເປັນປົກກະຕິ;
  5. ຄົ້ນຄວ້າ ​ແລະ ປະສານງານ ໃນການດຳ​ເນີນ​ການ​ສຶກສາ ກ່ຽວ​ກັບ ​ການຄຸ້ມ​ຄອງ ​ແລະ ພັດທະນາອ່າງ​ແມ່​ນ້ຳຂອງ, ການ​ນຳ​ໃຊ້ເຄື່ອງມື​ຕົວ​ແບບ​ຈຳລອງ, ສະໜອງ ແລະ ເຊື່ອມສານຂໍ້ມູນຂ່າວສານ ທີ່ກ່ຽວ ຂ້ອງກັບ ການຈັດຕັ້ງປະຕິບັດສັນຍາແມ່ນໍ້າຂອງ ປີ 1995 ໂດຍປະສານ​ສົມທົບກັບຂະ​ແໜງ​ການ​​ທີ່​ກ່ຽວຂ້ອງ ທັງ​ພາຍ​ໃນ ​ແລະ ຕ່າງປະ​ເທດ;
  6. ປະສານງານ ແລະ ຊຸກຍູ້ສົ່ງເສີມ​ຂະ​ແໜງ​ການ​ທີ່​ກ່ຽວຂ້​ອງ ​ໃນ​ການສ້າງ, ພັດທະນາ​ຄູ່​ມື ​ແລະ ດຳ​ເນີນການ​ຝຶກ​ອົບຮົມ ກໍ່​ຄື ການສ້າງ​ຈິດ​ສຳນຶກ ກ່ຽວ​ກັບ ການຈັດຕັ້ງປະຕິບັດ ສັນຍາແມ່ນໍ້າຂອງ ປີ 1995;
  7. ຄົ້ນຄວ້າ ແລະ ນໍາສະເໜີຂັ້ນເທິງ ປັບປຸງກົງຈັກການຈັດຕັ້ງ ຂອງ ຄະນະກຳມະການ ແມ່ນໍ້າຂອງແຫ່ງຊາດ ແລະ ກອງເລຂາ ຄະນະກຳມະການ ແມ່ນໍ້າຂອງ ແຫ່ງຊາດ, ຄຸ້ມຄອງ, ກຳນົດຕໍາແໜ່ງງານ, ສ້າງແຜນການບຳລຸງ, ກໍ່ສ້າງ, ສັບຊ້ອນພະນັກງານ-ລັດຖະກອນ ລວມທັງ ການສົ່ງເສີມບົດບາດຍິງ-ຊາຍ, ການປະຕິບັດນະໂຍບາຍ ແລະ ວິໃນຕໍ່ພະນັກງານ-ລັດຖະກອນ ຂອງ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດ ໂດຍປະສານສົມທົບ ກັບພາກສ່ວນ ທີ່ກ່ຽວຂ້ອງ ຕາມລະບຽບທີ່ກຳນົດ;
  8. ຕິດຕາມ ການປະຕິບັດສິດ, ໜ້າທີ່ ແລະ ຄວາມຮັບຜິດຊອບ ຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມຄອງ ຂອງ ກອງເລຂາ ຄະນະກຳມະການ ແມ່ນໍ້າຂອງແຫ່ງຊາດ ເພື່ອສະກັດກັ້ນປະກົດການ ລະເມີດມະຕິ, ຄໍາສັ່ງ, ກົດໝາຍ ແລະ ລະບຽບການຕ່າງໆ ຂອງລັດ;
  9. ຄຸ້ມຄອງ, ຊີ້ນໍາ, ຊຸກຍູ້, ຕິດຕາມ, ກວດກາ-ກວດການ ແລະ ປະເມີນຜົນ ການຈັດຕັ້ງປະຕິບັດນະໂຍບາຍ, ແຜນຍຸດທະສາດ ແລະ ແຜນງານຕ່າງໆ ທີ່ຕິດພັນ ກັບການຈັດຕັ້ງປະຕິບັດ ສັນຍາແມ່ນໍ້າຂອງ ປີ 1995 ແລະ ການຮ່ວມມືສາກົນ ໃນຂົງເຂດການຄຸ້ມຄອງອ່າງແມ່ນໍ້າຂອງ ທີ່ວາງອອກໃນແຕ່ລະໄລຍະ;
  10. ພົວພັນຮ່ວມມືທັງພາຍໃນ, ຕ່າງປະເທດ ແລະ ອົງການຈັດຕັ້ງສາກົນຕ່າງໆ ເພື່ອຂົນຂວາຍການສະໜັບສະໜູນ ດ້ານເຕັກນິກ-ວິຊາການ ແລະ ທຶນຮອນ ເຂົ້າໃນວຽກງານ ການຈັດຕັ້ງປະຕິບັດສັນຍາແມ່ນໍ້າຂອງ ປີ 1995 ແລະ ການຮ່ວມມືສາກົນໃນຂົງເຂດການຄຸ້ມຄອງອ່າງແມ່ນໍ້າຂອງ ຕາມການມອບໝາຍ ແລະ ເຫັນດີ ຂອງຂັ້ນເທິງ;
  11. ຄຸ້ມຄອງ, ບໍລິຫານການເງິນ, ຊັບສິນ ແລະ ເອກະສານ ຂອງ ກອງ ພ້ອມທັງຂຶ້ນແຜນການ, ງົບປະມານ ແລະ ສະຫຼຸບລາຍງານ ການເຄື່ອນໄຫວວຽກງານ ຂອງ ກອງ ຕໍ່ ລັດຖະມົນຕີ ແລະ ຄະນະກຳມະການແມ່ນໍ້າຂອງແຫ່ງຊາດ ເປັນແຕ່ລະໄລຍະ;
  12. ປະຕິບັດ​ໜ້າ​ທີ່​ ອື່ນໆ ຕາມທີ່ໄດ້ກຳນົດໄວ້ ໃນກົດໝາຍ, ລະບຽບການ ແລະ ​ຕາມ​ການ​ມອບ​ໝາຍຂອງ ລັດຖະມົນຕີ ແລະ ຄະນະກຳມະການ ແມ່ນໍ້າຂອງແຫ່ງຊາດ.
    LAST_UPDATED2