English (United Kingdom)Lao
ຂ່າວສານປະຊາສຳພັນ
ທັດສະນະສຶກສາ ແລະ ຢ້ຽມຊົມ ຫໍພິພິທະພັນ ປ້ອງກັນຄວາມສະຫງົບ PDF Print E-mail
Written by ສັກດາ ພິໄຊຍະວົງ, ວິຊາການ ພະແນກຂໍ້ມູນ-ຂ່າວສານ   
Monday, 17 July 2017 15:28

 

ເນື່ອງໃນໂອກາດ ວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ສະນັັ້ນ ໃນຕອນເຊົ້າຂອງວັນທີ 06 ກໍລະກົດ 2017 ທີ່ຜ່ານມາທາງ 03 ອົງການຈັດຕັ້ງມະຫາຊົນ ຂອງ ກອງເລຂາ ຄະນະກໍາມະການ ແມ່ນ້ຳຂອງແຫ່ງຊາດ ປະກອບດ້ວຍ ໜ່ວຍສະຫະພັນກຳມະບານ, ໜ່ວຍຊາວໜຸ່ມປະຊາຊົນປະຕິວັດລາວ ແລະ ໜ່ວຍສະຫະພັນແມ່ຍິງ. ໄດ້ພ້ອມກັນສ້າງຂະບວນການ ໄປທັດສະນະສຶກສາ ແລະ ຢ້ຽມຊົມຫໍພິພິທະພັນ ປ້ອງກັນຄວາມສະຫງົບ ເຊິ່ງມີຜູ່ເຂົ້້າຮ່ວມທັງໝົດ 21 ຄົນ, ຍິງ 13 ຄົນ. ຈຸດປະສົງຂອງການທັດສະນະສຶກສາໃນຄັ້ງນີ້ ກໍແມ່ນເພື່ອແນໃສ່ການຂໍ່ານັບຮັບຕ້ອນ ວັນສ້າງຕັ້ງສະຫະພັນ ແມ່ຍິງລາວ ຄົບຮອບ 62 ປີ ພ້ອມທັງເຊື່ອມຊຶມຄວາມຮູ້, ຄວາມເຂົ້າໃຈ ກ່ຽວກັບ ປະຫວັດຄວາມເປັນມາ ຂອງວຽກງານ ປ້ອງກັນຊາດ, ປ້ອງກັນຄວາມສະຫງົບ ແລະ ສຶກສາ ກ່ຽວກັບ ການມີສ່ວນຮ່ວມຂອງແມ່ຍິງລາວ ທີ່ໄດ້ປະກອບ ສ່ວນເຂົ້າ ໃນວຽກງານດັ່ງກ່າວ. ການທັດສະນະສຶກສາ ໃນຄັ້ງນີ້ ໄດ້ສ້າງຂີດໝາຍ ອັນສໍາຄັນໃນການຈັດຕັ້ງປະຕິບັດວຽກງານ ສ້າງຂະບວນການ ຂອງ ໜ່ວຍສະຫະພັນແມ່ຍິງ ກຄມຊ ໃຫ້ບັນລຸຕາມຄາດໝາຍສູ້ຊົນ ປະຈໍາປີ 2017 ພ້ອມທັງເປັນໂອ ກາດອັນດີ ໃຫ້ແກ່ໜ່ວຍສະຫະພັນແມ່ນຍິງ ກຄມຊ ໃນການເສີມສ້າງຄວາມຮູ້ ຄວາມເຂົ້າໃຈ ກ່ຽວກັບ ຄວາມສໍາຄັນ ຂອງ ວຽກງານປ້ອງກັນຄວາມສະຫງົບ ແລະ ຜົນງານອັນພົ້ນເດັ່ນທີ່ຍາດມາໄດ້ ຂອງ ພາກສ່ວນທີ່ເຮັດໜ່້າທີ່ປ້ອງກັນຄວາມສະຫງົບ ໃນໄລຍະຜ່ານມາ