Joom!Fish config error: Default language is inactive!
 
Please check configuration, try to use first active language

ສະຫຼອງ 20 ປີ ແຜນການຮ່ວມມືດ້ານເສດຖະກິດ ອະນຸພາກພື້ນແມ່ນ້ຳຂອງ
ສະຫຼອງ 20 ປີ ແຜນການຮ່ວມມືດ້ານເສດຖະກິດ ອະນຸພາກພື້ນແມ່ນ້ຳຂອງ Print
Friday, 26 October 2012 11:06

ຮຽບຮຽງໂດຍ ສຸກສາຄອນ ສຸລິຍາ

ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີສະເຫຼີມສະຫຼອງຜົນສຳເລັດ ການຈັດຕັ້ງປະຕິບັດແຜນງານ ການຮ່ວມມືດ້ານເສດຖະກິດ ອະນຸພາກພື້ນແມ່ນ້ຳຂອງ (GMS) ຄົບຮອບ 20ປີ (21/10/1992-21/10/2012) ຂຶ້ນໃນວັນທີ 23 ຕຸລາ 2012 ທີ່ໂຮງແຮມ ລາວພລາຊາ ນະຄອນຫຼວງວຽງຈັນ ພາຍໃຕ້ການເປັນ ປະທານຮ່ວມ ຂອງທ່ານ ສີສະຫວັດ ວິທະໄຊ ລັດຖະມົນຕີຊ່ວຍວ່າການ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແລະ ທ່ານ ຈົງ ຈີນາຍ ຜູ້ຕາງໜ້າ ທະນາຄານ ພັດທະນາອາຊີ ADB ພ້ອມນີ້ ກໍມີບັນດາທ່ານທູດ, ທູຕານຸທູດ, ຜູ້ຕາງໜ້າຈາກສຳນັກງານ ອົງການ ແລະ ພາກສ່ວນກ່ຽວຂ້ອງ ເຂົ້າຮ່ວມເປັນຈໍານວນ 120 ທ່ານ.

ປະເທດສະມາຊິກອະນຸພາກພື້ນແມ່ນ້ຳຂອງ ປະກອບມີ 6 ປະເທດ ຄື: ຣາຊະອານາຈັກກຳປູເຈຍ, ແຂວງຢູນນານ ແລະ ແຂວງ ກວາງຊີ ສປ ຈີນ, ປະເທດ ມຽນມາ, ໄທ, ສ.ສ ຫວຽດນາມ ແລະ ສປປ ລາວ. ແຜນການຮ່ວມມືເສດຖະກິດອະນຸພາກພື້ນ ເປົ້າໝາຍ ເພື່ອການສ້າງຄວາມສາມັກຄີບັນດາຊາດ ແລະ ການເສີມສ້າງສາຍພົວພັນ, ສ້າງຄວາມປອງດອງພາຍໃນ.

ສະເພາະ ສປປ ລາວ ແມ່ນມີຜົນສຳເລັດຫຼາຍດ້ານ ໃນການຍາດແຍ່ງການຊ່ວຍເຫຼືອ ທາງດ້ານວິຊາການ ຄືການໄດ້ເຂົ້າຮ່ວມການຝຶກອົບຮົມໃນຂະແໜງການຕ່າງໆຫຼາຍພັນຄົນ ແລະ ມີຫຼາຍໂຄງການສຳເລັດຜົນ ເປັນໂຄງການເຊື່ອມຕໍ່ແລວຊີວະນາໆພັນ, ໂຄງການກວດກາພືດ ແລະ ສັດ, ເສັ້ນທາງເລກ 9, ຂົວຂ້າມແມ່ນ້ຳຂອງ ຢູ່ ສະຫວັນນະເຂດ, ປັບປຸງ ສະໜາມບິນຫຼວງນ້ຳທາ ແລະ ໂຄງການອື່ນໆ ອີກເປັນຈຳນວນຫຼວງຫຼາຍ. ພ້ອມດຽວກັນນັ້ນ ຍັງສ້າງກອບຍຸດທະສາດ 10 ປີ (ແຕ່ປີ 2002 ເຖີງ 2012) ສະບັບໃໝ່ ຂອງ ປະເທດສະມາຊິກໄດ້ວາງອອກ ໂດຍສຸມໃສ່ 5 ໜ້າວຽກຍຸດທະສາດ.

ສຳລັບກອບຍຸດທະສາດສະບັບໃໝ່ (2012-2022) ຂອງແຜນງານຮ່ວມມືຂອງ GMS ເຊິ່ງກອງປະຊຸມທີ່ ປະເທດ ມຽນມາ ໄດ້ຮັບຮອງເອົາ 11 ໂຄງການ ເພື່ອດຳເນີນການໃນໂອກາດຕໍ່ໄປ.

Last Updated on Wednesday, 26 December 2012 08:36